Asta Nielsen

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye sobre l'actriz danesa Asta Nielsen; no s'ha de confundir con l'actriz noruega Aasta Nielsen.

Asta Nielsen
L'actriz Asta Nielsen en una fotografía de 1911.
Información personal
Nombre real	Asta Sofie Amalie Nielsen
Calendata naiximiento:	11 de setiembre de 1881
Puesto naiximiento:	Copenaguen (Dinamarca)
Calendata muerte:	24 de mayo de 1972
Puesto muerte:	Frederiksberg (Rechión Capital de Dinamarca, Dinamarca)
Enterreco	Cementerio Vestre de Copenaguen Copenaguen (Dinamarca)
Ocupación:	Actriz
Alma Máter	Teatro Reyal de Dinamarca
Conchuche:	Urban Gad ​(1912-1918, esvurcio)​ Ferdinand Wingårdh ​(1919-1923, esvurcio) Anders Christian Theede ​(1970-)
Fillos:	1

Asta Sofie Amalie Nielsen, naixida de Copenaguen (Dinamarca) l'11 de setiembre de 1881 y muerta en Frederiksberg (Rechión Capital de Dinamarca, Dinamarca) lo 24 de mayo de 1972, estió una destacada actriz danesa, activa en o mundo d'o teatro y d'o cine danés dende primerías d'os anyos 1900 dica meyaus d'os anyos 1930, tenendo una destacada partecipación en o cine alemán. Asta Nielsen estió una d'as primeras estrelas internacionals d'o cine mudo dica lo punto que en Alemanya yera conoixida simplament como Die Asta (l'Asta en alemán). En os anyos 1920 estió la fundadora d'un estudio de cine independient, un d'os primers d'o país, en a ciudat alemana de Berlín, pero tornó en Dinamarca a meyaus d'os anyos 1930 en plegar en o poder lo nazismo en Alemania y establir-se lo Tercer Reich, encara que Joseph Goebbels, o ministro de Propaganda alemán, li ufrió de colaborar con o nazismo.